ՀՀ ԱԳՆ մամլո գրասենյակից «Առաջին լրատվական»-ին հայտնում են, որ սեպտեմբերի 21-ին Բելառուսում ՀՀ դեսպանությունը կազմակերպել էր ընդունելություն` ՀՀ անկախության 21-րդ տարեդարձի կապակցությամբ:
Միջոցառմանը մասնակցել են Բելառուսի Հանրապետության իշխանության բոլոր ճյուղերի, երկրում հավատարմագրված դիվանագիտական առաքելությունների և միջազգային կազմակերպությունների, հայ համայնքի, ինչպես նաև Բելառուսի Հանրապետության մտավորականության ներկայացուցիչներ:
Բելառուսում ՀՀ դեսպան Արմեն Խաչատրյանը հակիրճ ներկայացրել է Հայաստանի Հանրապետության 21-ամյա ուղին: Իր ելույթում ՀՀ դեսպանը բարձր գնահատեց նաև հայ-բելառուսական հարաբերությունների ներկա մակարդակը: Ներկաներին ողջույնի խոսք հղեց Բելառուսի Հանրապետության արտաքին գործերի նախարարի տեղակալ տիկին Յելենա Կուպչինան:
Միջոցառմանը ելույթով հանդես է եկել Բելառուսի հայ համայնքի «Էրեբունի» պարի համույթը:
