Ալ-Ղաիդա ահաբեկչական կառույցում երկրորդ մարդը համարվող Այման Ալ-Զավահիրին Թունիսի և Եգիպտոսի բնակչությանը կրկին ոտքի կանգնելու կոչեր է արել: Նրա կարծիքով, բողոքի ակցիաները պետք է ուղղված լինեն ժամանակավոր կառավարությունների դեմ, որոնց իշխանությունը հաստատվել է հյուսիսաֆրիկյան այդ երկրներում 2011թ.-ի հունվարին և փետրվարին տեղի ունեցած հեղափոխություններից հետո:
Ալ-Զավահիրիի կոչը տեղադրվել է իսլամական կայքերից մեկում: Ահաբեկիչն առիթը բաց չի թողել ԱՄՆ-ին մեղադրելու Աֆրիկայի արաբական երկրների ներքին գործերին խառնվելու մեջ: Նրա խոսքերով, Եգիպտոսում և Թունիսում հեղափոխությունները տեղի ունեցան այն պատճառով, որ այդ իշխանություններն այլևս չէին ծառայում Վաշինգտոնի շահերին:
Բացի այդ, Ալ-Ղաիդան սատարում է Լիբիայում տեղի ունեցող հակակառավարական շարժումը: Հետաքրքիր է, որ Լիբիայի առաջնորդ Մուամար Քադաֆին երեկ ահաբեկչական կազմակերպությանը մեղադրել է երկրում տեղի ունեցող խռովությունները կազմակերպելու մեջ: Նրա կարծիքով, կազմակերպության ներկայացուցիչները սննդի մեջ թմրադեղեր են խառնել և մանիպուլյացիայի ենթարկել երիտասարդությանը` ստիպելով դուրս գալ փողոց հակակառավարական կոչերով:
Այս մասին հաղորդում են BBC և CNN հեռուստաալիքները:
