Այսօր առավոտյան՝ 9:30-ի սահմաններում, արդարադատության նախարար Հրայր Թովմասյանը, առանց զգուշացնելու, այցելել է Կենտրոնի զագս, հավանաբար՝ ստուգումներ իրականացնելու նպատակով: Սակայն դուռը փակ է եղել: Ըստ ականատեսների` արդարադատության նախարարը խիստ բարկացել է և անձրևի տակ կանգնած՝ սկսել է զանգել:
Հիշեցնենք, որ Քաղաքացիական կացության ակտերի գրանցման վարչությունը երկուշաբթի օրը քաղաքացիների ընդունելություն չի իրականացնում, բայց այդ օրը նրանց համար աշխատանքային է:
Ի դեպ, Թովմասյանը օրեր առաջ նույն իրավիճակում էր հայտնվել նոտարական գրասենյակներ այցելելու ժամանակ, երբ դարձյալ փակ էր գտել դրանց դռները:
