1981 թվականի սեպտեմբերի 4-ին Տեխասի Հյուսթոն քաղաքում ծնվել է R’n’B երգչուհի, դերասանուհի, մոդել Բեյոնսե Նոուլզը: Մանուկ հասակում նա մասնակցել է վոկալ և պարային բազմաթիվ մրցույթների: Բեյոնսեն մեծ ճանաչում է ձեռք բերել 1990-ականների վերջին՝ Destiny’s Child խմբի կազմում: Խմբի լուծարման ընթացքում նրա թողարկած առաջին ալբոմը եղել է Dangerously in Love-ը (2003): Այդ ալբոմի համար նա ստացել է 5 Գրեմմի մրցանակ: Խմբի վերջնական փլուզումից մեկ տարի անց` 2006-ին, նա թողարկել է B’Day ալբոմը և զբաղեցրել Billboard-ի առաջին հորիզոնականը:
2010 թվականին Forbes-ի աշխարհի ամենաազդեցիկ 100 մարդկանց վարկանիշային աղյուսակում նա զբաղեցրել է երկրորդ հորիզոնականը:
Ծննդյան օրվա կապակցությամբ Բեյոնսեն իր կայքում բացիկ է տեղադրել, որտեղ հարազատներն ու ընկերները (մայրը, զարմիկները,Գվինեթ Փելթրոուն և այլք) ձեռագրով շնորհավորանքներ են զետեղել:
