Սիեռա-Լեոնեում հունվարին բռնկված խոլերայի համաճարակը տարածվել է երկրի ևս երկու շրջաններում, ու այս հիվանդությամբ վարակվածների թիվը հասել է 220-ի: Այս մասին, ինչպես հայտնում է ITAR-TASS-ը, տեղեկացրել է հարավաֆրիկյան պետության առողջապահության նախարարությունը:
«Ամբողջ երկրում հիվանդացել է 12,140 մարդ՝ 12 շրջաններից 10-ում: Համաճարակի պիկը նկատվում է մայրաքաղաքի խիտ բնակեցված չքավոր շրջաններում՝ կոյուղատար համակարգի վատ վիճակի, զուգարանների բացակայության ու կեղտոտ ջրի հետևանքով»,- այսօր հայտարարել է առողջապահության ներկայացուցիչ Ամարա Ջամբայը: Նա նաև համարում է, որ հիվանդացածությունը կարող է մեծանալ արդեն սեպտեմբերին անձրևի սեզոնն սկսվելու հետևանքով:
Ավելի վաղ նախարարությունը հայտարարում էր, որ խոլերան մոլեգնում է երկրի 12 շրջաններից 8-ում: Անցած շաբաթ միջազգային Կարմիր խաչի ներկայացուցիչ Ամանդա Մակլելանդը նախազգուշացրել էր, որ համաճարակը կառավարելը դժվար է պահել հսկողության տակ, ու այն կարող է ունենալ «ամայեցնող» հետևանքներ:
Խոլերան արդեն տարածվել է հարևան Գվինեա, որտեղ մահացել է 82 մարդ, ինչպես նաև Մալի ու Նիգեր:
