«Бриз-М» անջատիչ բլոկով «Протон-М» տեսակի հրթիռակիրների արձակումները կդադարեցվեն մինչև անսարքության պատճառների հայտնաբերումը: Այս մասին հաղորդում է Lenta.ru-ն: Անցած գիշեր Բայկոնուրից «Протон-М» հրթիռակրի արձակումը անհաջողությամբ է ավարտվել. տիեզերնավը չի կարողացել ուղեծիր դուրս բերել կապի «Экспресс-МД2» և « Телком-3» արբանյակները: Պատճառը եղել է «Бриз-М» անջատիչ բլոկում տեղ գտած անսարքությունը:
«Протон-М» -ի արձակումը կվերսկսվի Վթարային հանձնաժողովի վերջնական եզարակացության ստացումից հետո միայն: Հանձնաժողովի աշխատանքին կմասնակցեն ինչպես «Ռոսկոսմոսի» փորձագետները, այնպես էլ անջատիչ բլոկը ստեղծող Խրունիչևի անվան կենտրոնի ներկայացուցիչները:
Interfax-ը, հրթիռա-տիեզերական ոլորտի ներկայացուցիչներին հղում անելով, հաղորդում է, որ անհաջող արձակմանը կարող են հաջորդել կոշտ միջոցառումները, ընդհուպ մինչև Խրոնիչևի անվան տիեզերական կենտրոնի ղեկավար Վլադիմիր Նեստերովի պաշտոնից հեռացումը: Աղբյուրի զրուցակիցները հիշեցրել են, որ նախորդ վթարների համար կենտրոնի ղեկավարությանը հաջողվել է պատժից խուսափել:
