Այսօր` օգոստոսի 2-ին, Ոստիկանության Մաշտոցի բաժնի աշխատակիցները կարողացել են կանխել մի տղամարդու ինքնասպանությունը:Այս մասին տեղեկացնում է shamshyan.com-ը:
Ֆոտոլրագրող Գագիկ Շամշյանը հայտնել է, որ ժամը 18.30-ի սահմաններում Ոստիկանության Դավիթաշենի բաժանմունքում տեղեկություններ են ստացվել, որ մի քաղաքացի փորձում է իրեն ցած նետել կամրջից:
Դեպքի վայր են ժամանել Ոստիկանության Մաշտոցի բաժնի և Ոստիկանության Դավիթաշենի բաժանմունքի աշխատակիցները` Մաշտոցի ոստիկանապետ Արմեն Գասպարյանի և Դավիթաշենի բաժանմունքի պետ Հրաչ Բաբայանի գլխավորությամբ:
Գագիկ Շամշյանը հայտնել է, որ մոտ 40 րոպե ոստիկանները դեպքի վայր ժամանած 1-03 ծառայության և քաղաքացիների հետ միասին բանակցությունների շնորհիվ կարողացել են համոզել, որ տղամարդն այդ ծայրահեղ քայլին չդիմի:
Ոստիկանության աշխատակիցները քաղաքացուն տեղափոխեցին Մաշտոցի ոստիկանություն, որտեղ հետաքննիչի կողմից փաստի առթիվ նյութեր են նախապատրաստվում:
Գագիկ Շամշյանը հայտնել է նաև, որ իր տեղեկություններով, այդ անձը Երևանի Քանաքեռ-Զեյթուն վարչական շրջանի Լեփսուսի փողոցի բնակիչ, 34-ամյա Սուրեն Մանուկյանն է, ով ամուսնալուծված է: Տղամարդը փորձում էր իր կյանքին վերջ տալ այն պատճառով, քանի որ ըստ տեղեկությունների, պարտքեր ուներ տարբեր խաղատներում:
Լուսանկարը` Գագիկ Շամշյանի
