Թուրքական Doğan լրատվական գործակալության փոխանցմամբ՝ Սիրիային սահմանակից Մարդինի նահանգի Նուսայբինի շրջանում սկսվել են տանկային վարժանքներ: Ընդ որում, խոսքը գնում է սահմանից 2 կիլոմետր հեռավորության վրա ընկած տարածքի մասին:
Վարժանքների ընթացքին հետևում են քրդաբնակ այդ շրջանում զինծառայություն կատարող բարձրաստիճան հրամանատարները: Տեղաբնակները նշում են, որ այս շրջանում տարիներ շարունակ չեն անցկացվել տանկային վարժանքներ: Դրանց մասնակցում է 25 տանկ:
Հիշեցնենք, որ սրանից առաջ թուրք հրետանավորներն ու հրթիռայինները սկսել էին հետաքրքրվել Սիրիայում տիրող կլիմայական պայմանների մասին: Ի դեպ, այսօր Թուրքիայում արդեն իսկ մեկնարկել է Բարձրագույն ռազմական խորհրդի նիստը, որը նախագահում է երկրի վարչապետ Ռեջեփ Էրդողանը:
