Շվեդ քահանա Ալեքսանդր Ռադլերը խոստովանել է, որ լրտեսություն է կատարել Գերմանիայի անվտանգության ծառայության՝ «Շտազիի» համար, հաղորդում է Dagens Nyheter-ը: Բացի այդ, նրա համագործակցությունը հետախուզության հետ հաստատվել է նրա կնոջ՝ Բետինայի հարցազրույցում: Պաստորը մտել է «Շտազիի» Թոմասի անվան էլիտար ստորաբաժանման մեջ, որում հաշվվում էր 3900 գործակալ:
DN պարբերականին ուղղված էլեկտրոնային նամակում 68-ամյա Ռադլերը հայտարարել է, որ խորապես ցավում է կատարվածի համար: Մինչ այժմ նա հերքում էր իր հասցեին ուղղված մեղադրանքները և հրաժարվում էր լրագրողներին պատմել իր անցյալի մասին:
Եկեղեցու ներսում քահանայի դեմ հետաքննություն է սկսվել, որը վարում է իրավաբան Աննա Վերնկվիստը: Վերջինիս խոսքերով՝ Ռադլերին մինչև կյանքի վերջ կարող են արգելել ծառայել եկեղեցում, սակայն այլ պատիժ նման դեպքերում չի նախատեսվում:
Գործի բոլոր հանգամանքները պարզաբանելու համար Լուլեոյի եպիսկոպոսությունը, որտեղ վերջին շրջանում ծառայում էր պաստորը, դիմել է Գերմանիայից «Շտազիի» հարցերով փորձագետ Հելմուտ Մյուլեր Էնբերգսին: Նա պարզել է, որ Ռադլերը սկսել է համագործակցել հետախուզության հետ 1965թ., երբ Բուրտրեսկի պաստորն էր, և այդ կապը պահպանել է մինչև Բեռլինյան պատի անկումը:
Փորձագետի տվյալներով՝ այդ համագործակցությունը գիտակացված և կամավոր է եղել: Քահանան «Շտազիին» է հանձնել Գերմանիայի Դեմոկրատական Հանրապետության փախստականներին և պատմել, թե ինչպես է նրանց հաջողվել փախչել երկրից:
