Դատարանը Մայքլ Ջեքսոնի երեխաների համար ժամանակավոր խնամակալ է նշանակել փոփ արքայի եղբոր որդուն՝ Տիտո Ջեքսոնին: Այս մասին հաղորդում է Associated Press-ը:
Ջեքսոնի 82-ամյա մայրը՝ Քեթրինը, երեխաների խնամակալի պարտավորություններից զրկվել է Արիզոնայում գտնվելու պատճառով: Որոշ աղբյուրների փոխանցմամբ՝ նա այնտեղ է գտնվում հանգստանալու նպատակով, սակայն տեղեկություններ են ստացվում նաև այն մասին, որ նրան իր երեխաները հարկադրաբար են տարել, զրկել կապի հասանելիությունից: Որպես նման քայլի պատճառ նշվում է Ջեքսոնի կտակի շուրջ ընտանեկան քաշքշուկը: Կտակում նշված են միայն Ջեքսոնի մոր և 3 երեխաների անունները, ինչը զայրացրել է երգչի քույրերին ու եղբայրներին:
Երգչի երեխաները՝ 10-ամյա Բլաքեթը, 15-ամյա Փրինսն ու 14-ամյա Փերիսը, բնակվում են Լոս Անջելեսում:
The New York Post-ի փոխանցմամբ՝ Տիտո Ջո Ջեքսոնը հաստատում է, որ մտադիր է երեխաների խնամակալությունը ստանձնել մինչև տատիկի վերադարձը: Քեթրին Ջեքսոնն անձամբ հայտարարել է, որ դատարանի որոշումը հիմնված է խաբեության վրա: ABC News-ի հետ հարցազրույցում երգչի մայրը հայտնել է, որ իրենից խլել են թոռներին, և որ ինքը մտադիր է տուն վերադառնալ:
Դատավոր Միտչել Բեքլոֆը նշել է, որ Քեթրին Ջեքսոնը ոչ մի վատ բան չի արել: Խնամակալի պարտականությունները կատարելու գործում նրան խանգարում են երրորդ անձինք:
