Ռուսաստանը պատրաստվում է պահպանել Սիրիայի Տարտուս նավահանգստում իր նյութատեխնիկական ապահովման կետը: Այս մասին հաղորդում է RIA Novosti-ն՝ վկայակոչելով ՌԴ ռազմածովային ուժերի գլխավոր հրամանատար դերծովակալ Վիկտոր Չիրկովին:
«Սիրիայի Տարտուս նավահանգստում Ռուսաստանի ռազմածովային ուժերի նյութատեխնիկական ապահովման կետը կպահպանվի: Այն մեզ համար անհրաժեշտ է մեր նավերի մատակարարման համար, մասնավորապես, Ադենի ծոցում հակածովահենային առաքելություն իրականացնելիս»,- ասել է նա:
Չիրկովն ավելացրել է, որ Միջերկրական ծովը սևծովյան նավատորմի գործողությունների գոտին է:
