Ադրբեջանական Defence.az-ի փոխանցմամբ՝ Իրանի զինված ուժերի գլխավոր շտաբի պետի տեղակալ, գեներալ Մասուդ Ջազայերին այսօր հայտարարել է, որ թեև թշնամիները փաստացի պատերազմում են Սիրիայի դեմ, սակայն Սիրիայի ժողովուրդն ու նրա բարեկամները թույլ չեն տա գահընկեց անել ներկայիս իշխանություններին:
Իրանցի գեներալը հավելել է, որ Սիրիայի բարեկամներից դեռ ոչ ոք իր ուժերը չի ներդրել այդ հակամարտությունում, սակայն եթե դա տեղի ունենա, ապա թշնամիները կստանան վճռական պատասխան. «Դա մասնավորապես վերաբերում է արաբական ատելի տիրակալներին: Սիրիական հողից թշնամիները կհավասարեցվեն հողին, իսկ Սիրիայի ժողովուրդը վրեժխնդիր կլինի ԱՄՆ-ից, Թուրքիայից, Սաուդյան Արաբիայից ու Կատարից:
Ես իրանցի բարձրաստիճան զինվորականներից ու քաղաքական գործիչներից լսել եմ մի շարք կոշտ հայտարարություններ՝ հասցեագրված հենց արաբական միապետություններին, որոնք փաստացիորեն գլխավոր հակառակորդներն են»:
