Ռուսաստանի գլխավոր շտաբը կարծում է, որ Սիրիայի քիմիական զենքի պաշարների ծավալները չափազանցվում են,- գրում է «Կոմերսանտ»-ը:
«Մեր հետախուզական տվյալներով՝ Սիրիայի քիմիական զենքի պաշարներն այնքան շատ չեն, ինչպես որ ասում է Արևմուտքը»,- մեջբերում է պարբերականը գլխավոր շտաբի իր աղբյուրը:
Այնուամենայնիվ, նրա հրաժարվել է նշել այդ զենքի գոնե մոտավոր ծավալները՝ պատճառաբանելով, որ տեղեկությունը գաղտնի է:
Պարբերականի աղբյուրը նաև հերքել է, որ Սիրիայում քիմիական զենքը վերահսկողության տակ պահելու համար այդ երկիր են ուղարկվել ռուս հատուկջոկատայինները: Թերթը գրում է, որ օրերս մի շարք ֆրանսիական ԶԼՄ-ներ հայտնել էին, որ այդ հարցում որոշակի պայմանավորվածություն կա Ռուսաստանի և Իսրայելի միջև:
