Գերմանացի քաղաքական գործիչներն առաջարկել են Գերմանիայում ապաստան տրամադրել Աֆղանստանի այն բնակիչներին, ովքեր աշխատում են բունդեսվերի համար դրա գործունեության ընթացքում, հաղորդում է Die Welt –ը: Իշխանությունները վախենում են, որ իրենցից վրեժ կլուծեն 2014-ին արտեկրյա զորքերի դուրս հանումից հետո արևմտյան զինվորականների համար աշխատանքի պատճառով: Ազատ դեմոկրատական կուսակցության փորձագետ Էլկե Հոֆֆը կոչ է արել այդ մարդկանց ապահովելու նաև աշխատանքով բունդեսվերի` Աֆղանստանը լքելուց հետո: Նրա հետ համամիտ է դեմոկրատական միության նրա քրիստոնյա գործընկեր Էրնստ-Ռեինհարդ Բեքը:
Եթե գերմանացի զինվորականների համար բոլոր աշխատողները և նրանց բարեկամները Գերամանիայում ապրելու տեղ խնդրեն, ապա կառավարությունը ստիպված կլինի ընդունել հազարավոր ներգաղթյալների:
Իրադարձությունների այսպիսի զարգացման մասին արդեն խոսվում է գերմանական համապատասխան մարմինների հետ, հայտնել են ներքին գործերի նախարարությունից: Վերջնական խոսքը բունդեսվերինն է:
Մինչ այժմ բունդեսվերի հետ գործակցող աֆղանների ապագայի հարցով զբաղվում էր մի խումբ` կազմված բոլոր նախարարությունների ներկայացուցիչներից, ում այդ հարցը վերաբերում է: Գերմանական կառավարությունը քննարկել է ոչ միայն Գերմանիայի վիզայի տրամադրման, այլև փոխհատուցման կամ Աֆղանստանում նոր աշխատանք փնտրելու ծախսերի մարման հարցը:
Ներկայումս Աֆղանստանում գերմանական զորքերի համար աշխատում են 460 թարգմանիչներ, ինչպես նաև ավելի քան հազար վարորդներ, թիկնապահներ, այգեպաններ, մաքրողներ և խոհարարներ: Մոտ 160 աֆղաններ էլ համագործակցում են գերմանական ֆեդերալ ոստիկանության հետ, ովքեր ուսուցանում են իրենց աֆղան գործընկերներին:
