Կիսլովոդսկում հուլիսի 21-ին կովկասցիների ու կազակ պարեկի միջև վիճաբանությունը, ինչի հետևանքով սպանվել էր երկու մարդ, այդ թվում`մեկ հայ, տեղի է ունեցել ոչ թե էթնիկ, այլ կենցաղային հողի վրա: Այս մասին հայտնում է apsny.ge վրացական տեղեկատվական պորտալը:
Հիշեցնենք, որ համաձայն ռուսական ԶԼՄ-ների` կազակ պարեկը հարձակվել է հանգիստ կանգնած երեք կովկասցի երիտասարդների վրա: Կռվի ժամանակ 25-ամյա հայ Ջոնիկը դանակով սրտին հարված է ստացել, 18-ամյա վրացի Գիի կոկորդը կտրել են, ևս մեկի (Կարաչևից) որովայնին դանակով հարվածել են, և նա ներկայում ծայրահեղ վիճակում գտնվում է հիվանդանոցում:
Հուլիսի 22-ին Կիսլովոդսկում տեղի էր ունեցել քաղաքի էթնիկ խորհրդի արտահերթ նիստ, որի ընթացքում ազգային համայնքների ղեկավարները դիմում էին ստորագրել` հայտարարելով վիճաբանությունը միջէթնիկական հակամարտության չվերածելու անհրաժեշտության մասին:
Նիստին մասնակցել էին Դաշնային անվտանգության ծառայության ներկայացուցիչներ, Ստավրոպոլի մարզի դատախազության ու վարչության աշխատակիցներ:
