Ադրբեջանական APA լրատվական գործակալության փոխանցմամբ՝ Թուրքիայի ու Ադրբեջանի միջև «Անդրանատոլիական» գազատարի (TANAP) կառուցման մասին համաձայնագրի ստորագրումն անակնկալ էր Nabucco-ի բաժնետերերի համար:
Այս մասին հայտարարել է Nabucco Gas Pipeline International GmbH կոնսորցիումի մամլո քարտուղար Քրիստիան Դոլեզալը. «Գոյություն ունի լավ բազա՝ երկու նախագծերի՝ TANAP-ի ու Nabucco West-ի իրագործման համար: Մենք շահագրգռված ենք այդ նախագծերի միավորման մեջ: Հուսով ենք, որ այդ մասին քննարկումները կմեկնարկեն մոտակա ամիսներին»:
