Եվրոպական կենտրոնական բանկը (ԵԿԲ) թույլ չի տա եվրոյի ճգնաժամը: Այդ մասին տեղեկացրել է ԵԿԲ-ի ղեկավար Մարիո Դրագին` ֆրանսիական «Մոնդ» թերթին տված հարցազրույցի ժամանակ:
«ԵԿԲ-ն եվրոյի գնի պահպանմանը վերաբերող ոչ մի արգելք չունի»,-ընդգծել է Դրագին:
«Պետք չէ եվրոյի գնի անկման հարցում թերագնահատել քայլերը, որոնք արդեն ձեռնարկել են ԵՄ երկրների առաջնորդները` ստեղծելով դրամավարկային տնտեսական միություն, այդ թվում՝ եվրոպական ժողովուրդների աջակցությունը»,- նշել է ԵԿԲ-ի ղեկավարը:
Մարիո Դրագին ընդգծել է, որ եվրոն վտանգված չէ, թեև որոշ վերլուծաբաններ գտնում են, որ եվրոն ճգնաժամի մեջ է: Նա նաև նշեց, որ անխուսափելի է համարվում եվրոյի գոտու երկրների ֆինանսական, բյուջետային և քաղաքական միության ստեղծումը:
