Վաշինգտոնում հրապարակված «Պաշտպանելով ուկրաինական դեմոկրատիան-2» հաշվետվության մեջ Freedom House-ն ընդգծում է, որ Ուկրաինայում ուժեղանում է իշխանության կենտրոնացումը նախագահ Յանուկովիչի ու նրա ընտանիքի ձեռքին:
Ընդ որում, ըստ փորձագետների գնահատականների` քաղաքացիական հասարակությունը չի թուլացել, այլ ավելի է ակտիվացել:
Մեկ տարի առաջ կազմակերպությունն արդեն ներկայացրել էր փաստաթուղթ` գնահատելով երկրում ժողովրդավարության վիճակը: Ինչպես տեղեկացնում է Korrespondent-ը, ներկայիս հաշվետվությունը կազմվել է անցկացրած մոնիթորինգի արդյունքում:
«Ուկրաինայում գործընթացներն ազդում են ամբողջ Եվրասիայի զարգացման դինամիկայի վրա. դրանով է բացատրվում մեր ուշադրությունը Ուկրաինայի նկատմամբ: Բացի այդ` Ուկրաինայում բացասական գործընթացները անդառնալի չեն: Մեր նպատակը ուկրաինական կողմի ուշադրությունը մեր եզրակացությունների վրա գրավելն է»,- նկատել է հաշվետվության հեղինակներից մեկը` Ատլանտյան խորհրդի ներկայացուցիչ Դեյմոն Վիլսոնը:
Փորձագետի խոսքով` Ուկրաինայի գլխավոր խնդիրը ընդդիմության հետապնդումն ու կոռուպցիան է:
Freedom House-ի տվյալով` երկրում լրջագույն խնդիրներից մեկը իշխանության վերահսկողությունն է զանգվածային լրատվամիջոցների, մասնավորապես` հեռուստատեսության վրա:
