Ռուսաստանը և Չինաստանը արգելափակել են ՄԱԿ-ի ԱԽ-ի կողմից այն որոշումը, որը նախատեսում է Սիրիայի դեմ պատժամիջոցների կիրառում, որտեղ 2011թ-ի մարտից շարունակվում են նախագահ Բաշար Ասադի և ընդդիմության միջև բախումները:
Օգտվելով վետոյի իրավունքից` երկու երկրների պատվիրակությունները դեմ են քվեարկել Մեծ Բրիտանիայի կողմից առաջադրված առաջարկին, որը նախատեսում է պատժամիջոցների կիրառում իշխանությունների և ընդդիմության նկատմամբ, եթե բռնությունները շարունակվեն:
Որոշմանը կողմ են քվեարկել 11 մասնակից, երկու մասնակից ձեռնպահ են մնացել:
ՄԱԿ-ի ԱԽ-ում առկա է որոշման երկու տարբերակ. մեկը ռուսականն է, որը նախատեսում է ՄԱԿ-ի դիտորդական առաքելության մանդատի երկարաձգում, մյուսը արևմտանը, ըստ որի, պատժամիջոցների սպառնալիքներ են կիրառվելու:
