ԱՄՆ-ի և Իսրայելի պաշտոնատար անձինք քննարկում են սիրիական բանակի զենքի պահեստների վրա իսրայելական ուժերի կողմից հարված հասցնելու հնարավորության հարցը: Այս մասին հաղոդում է The New York Times-ը:
Թերթը գրում է, որ նախագահ Բարաք Օբամայի աշխատակազմի ներկայացուցչի խոսքերով՝ Պենտագոնի պաշտոնատար անձինք Սիրիայի նկատմամբ քաղաքականության մասին քննարկումներում անդրադարձել են այն հարցին, թե արդյոք Իսրայելը ի վիճակի է գրոհել Սիրիայի զենքի պահեստները:
Թերթը գրում է, որ «Վաշինգտոնը չի խրախուսում նման գրոհը, քանի որ, անկախ դրա արդյունքներից, Ասադի վարչակարգը կարող է օգտագործել այդ փաստը՝ իր դիրքերը կոնսոլիդացնելու համար»:
Մյուս կողմից ԶԼՄ-ները գրում են, որ Վաշինգտոնը ծայրաստիճան անհանգստացած է սիրիական բանակի սպառազինության մեծ չափերով: Պենտագոնի ղեկավարությունը մտավախություն ունի, որն Ասադի տապալման դեպքում այդ զենքը կարող է հայտնվել ահաբեկիչների ձեռքում:
