Վրացական «Ալիա» թերթի փոխանցմամբ՝ Հաագայի միջազգային դատարանը սկսել է դեռևս 2010 թվականի աշնանը հայտնի փաստաբան Շալվա Խաչապուրիձեի ներկայացրած «Վրաստանն ընդդեմ Սաակաշվիլիի» հայցի դիտարկումը: Այս մասին թերթին հայտնել է հենց ինքը՝ հայցվորը:
Վերջինս հավելել է, որ ինքն իրազեկվել է գործի սկսման մասին, ինչը նշանակում է, որ Հաագայից պետք է Վրաստան ժամանեն դատախազներ՝ վրացական իշխանությունների ներկայացուցիչներին հարցաքննելու համար:
Շալվա Խաչապուրիձեն մտադիր է մեկնել Հաագա, որպեսզի հայցը լրացնի նոր նյութերով, որոնք առնչվում են 2011 թվականի մայիսի 26-ին Թբիլիսիում ընդդիմության ակցիան կոշտ ցրելուն: Նրա հայցում օրինակ է բերվում 2008 թվականի օգոստոսյան պատերազմը և վստահեցվում է, որ եթե ժամանակին չկանգնեցվի Վրաստանի հանցավոր իշխանության անվերահսկելի գործունեությունը, ապա աշխարհը կստանա կովկասյան նոր պատերազմ:
