Ճապոնական Panasonic ընկերությունը, որն կենցաղային տեխնիկայի և էլեկտրական սարքավորումների աշխարհի խոշորագույն արտադրողներից է, ներկայացրել է Ene-Farm վառելիքի հիմքի վրա ստեղծված էլեկտրագեներատորը, որը կարելի է օգտագործել տնային պայմաններում: Այս «կենցաղային սարքավորումը» ստեղծվել է Tokyo Gas էներգետիկ ընկերության հետ համատեղ:
Համեմատած շուկայում առկա նմանատիպ համակարգերի հետ` Ene-Farm-ն ունի էներգիայի փոխակերպման ամենամեծ օգտակարության գործակիցը` 40%: Ene-Farm-ը էլեկտրաէներգիա է ստեղծում ջրածնի և թթվածնի մոլեկուլների միջև տեղի ունեցող քիմիական ռեակցիայի հետևանքով, իսկ տաքությունը, որն առաջանում է այս ռեակցիայի հետևանքով, օգտագործվում է տան ջեռուցման և տաք ջուր մատակարարելու համար: Վառելիքային գեներատորն ունի 250-750Վտ ելքային հզորություն: Նրա տեղադրման համար անհրաժեշտ է ընդամենը 2 քառակուսի մետր տարածք:
Այս համակարգն արտադրում է էկոլոգիապես մաքուր էներգիա: Հոսանքն արտադրվում է մեկ տեղում, որի արդյունքում նրա փոխադրման ընթացքում խնայողություն է տեղի ունենում: Եվ ինչպես հայտնվում է Panasonic-ի մամլո հաղորդագրության մեջ, Ene-Farm-ի կողմից արտադրված ամբողջ էներգիան օգտագործվում է առանց արտանետումների:
Panasonic-ում ասում են, որ Ene-Farm նոր համակարգը թույլ կտա ճապոնական միջին ընտանիքին տարեկան էլեկտրաէներգիայի համար գանձվող գումարը 725-ից իջեցնել մինչև 600 դոլարի:
«Տնային էլեկտրակայանը» Tokyo Gas ընկերությունը կսկսի վաճառել 2011թ.-ի ապրիլից 14 -17 հազար դոլարի սահմաններում (սա 30%-ով էժան է շուկայում առկա նմանատիպ սարքերից):