ՄԱԿ-ի գլխավոր քարտուղար Պան Գի Մունը կոչ է արել Անվտանգության խորհրդին միասնական գործողություններ ձեռնարկել Սիրիայում տիրող իրավիճակը կայունացնելու համար:
Ինչպես հաղորդում է BBC-ն, Պան Գի Մունն այս մասին հայտարարել է Պեկինում Չինաստանի նախագահ Հու Ցզինատոի հետ հանդպումից հետո: Հարկ է նշել, որ հայտարարությունն արվել է նախքան Դամասկոսում իրականացված ահաբեկչությունը:
ՄԱԿ-ի գլխավոր քարտուղարի խոսքերով՝ Չինաստանի ղեկավարությունը հասկանում է, որ Սիրիայում իրավիճակը շատ լուրջ է:
ՄԱԿ-ի Անվտանգության խորհրդի նիստը տեղի կունենա այսօր երեկոյան:
Պան Գի Մունը հույս է հայտնել, որ ԱԽ-ն միասնական դիրքորոշում կցուցաբերի՝ համատեղ միջոցառումներ ձեռնարկելու համար:
Հիշեցնենք, Ռուսաստանը և Չինաստանը նախկինում երկու անգամ վետո են դրել ՄԱԿ-ի ԱԽ-ում Սիրիայի դեմ բանաձևերի վրա:
