7 տարվա ազատազրկման դատապարտված, Ուկրաինայի նախկին վարչապետ Յուլյա Տիմոշենկոն երկու ամսից ավելի երկար ժամանակահատվածում, երբ գտնվում էր Խարկովի հիվանդանոցում, 79 հանդիպում է ունեցել` 170 ժամ տևողությամբ: Այս մասին այսօր հաղորդում է բժշկական հաստատության մամլո ծառայությունը:
«Տիմոշենկոն Խարկովի կենտրոնական կլինիկական հիվանդանոցում, որտեղ անցնում է վերականգնողական կուրս, մայիսի 10-ից հուլիսի 16-ը ունեցել է 79 հանդիպում իր պաշտպանների, ազգականների, պատգամավորների հետ, որոնց ընդհանուր տևողությունը կազմում է 170 ժամ»,- ասվում է հաղորդագրության մեջ:
52 արտասահմանցիների հետ Տիմոշենկոն անցկացրել է ավելի քան 30 ժամ:
Նրան հիվանդանոցում այցելել են քաղաքական գործիչներ, ԵԱՀԿ-ի և այլ միջազգային կազմակերպությունների ներկայացուցիչներ:
