Այսօր լրագրողների հետ հանդիպմանը Հայաստանի քաղաքագետների միության ղեկավար, քաղաքագետ Հմայակ Հովհաննիսյանը իր դժգոհությունը հայտնեց ՝ խոսելով խորհրդարանական ընտրություններից առաջ ձևավորված միասնական շտաբի անդամների մասին:
Նրա կարծիքով` միասնական շտաբը անդամ կուսակցությունների համար միմյանց հետ հարաբերությունները կարգավորելու հարթակ դարձավ, որից հետո նրանք թողեցին և փախան:
«Ասում էին, որ շտաբը Քոչարյանինն է, սակայն այդ շտաբը նպատակ ուներ վերականգնելու հանրության վստահությունը ընտրական պրոցեսների նկատմամբ: Նստեցին, իրար հետ դզվեցին, թողեցին փախան, իսկ ինձ վրա երեք դատական գործ մնաց:
Ոնց որ գցեցին Մարտի 1-ի ժողովրդին, այնպես էլ ինձ գցեցին: Այսօր իրենց չի հետաքրքրում, որ Սուրեն Խաչատրյանի համագյուղացին ինձ է վերագրում Սուրեն Խաչատրյանի դափնիները: Լևոն Տեր-Պետրոսյանին էլ են գցել, բոլորին են գցելու»,- մեկնաբանեց Հմայակ Հովհաննիսյանը:
Ըստ քաղաքագետի՝ ՀՀ առաջին նախագահ Լևոն Տեր-Պետրոսյանը շատ բաներ է ասել, հետո դրանցից ետ է կանգնել, վաղը հնարավոր է՝ նաև Ռոբերտ Քոչարյանին ընդունի:
Լուսանկարը՝ PanARMENIAN Photo-ի
