Թուրքական Dünya Bülteni կայքի փոխանցմամբ՝ Իրաքը Թուրքիայի համար փակել է իր օդային սահմանը: Դրա հետևանքով Իրաքում են մնացել և չեն կարողացել Թուրքիա վերադառնել «Թուրքական ավիաուղիներ» (THY) ընկերության ինքնաթիռները:
Խոսքը Ստամբուլից և Անթալիայից դեպի Հյուսիսային Իրաքի քրդական ինքնավարության մայրաքաղաք Էրբիլ չվերթներ կատարող THY-ի ինքնաթիռների մասին է: Այժմ այդ ինքնաթիռները ստիպված են եղել մնալ Էրբիլում:
Իրաքի կողմից Թուրքիայի համար իր օդային տիրույթի փակման պատճառները դեռ անհայտ են: Սակայն, ամենայն հավանականությամբ, պատճառը երկու երկրների միջև «նաթվային» ճգնաժամն է: Իրաքը Թուրքիային մեղադրել է Հյուսիսային Իրաքից նավթի առևանգման մեջ:
