Եվրոպական ավիաշինական Airbus կոնցեռնի գլխավոր տնօրեն Ֆաբրիս Բրեժիեն մեղադրել է մրցակից Boeing-ին` գնային պատերազմ սկսելու համար: Այս մասին հայտնում է Reuters-ը:
Բրեժիեն հայտարարել է, որ ամերիկյան կորպորացիան փորձում է մեծացնել մասնաբաժինը շուկայում իր B-737 Max ինքնաթիռի համար` գների ագրեսիվ նվազեցման միջոցով:
Նա հավելել է, որ այդ ռազմավարության շնորհիվ Boeing-ը կարող է ցուցաբերել լավագույն ցուցանիշներ 2012թ. տվյալով նոր պատվերների քանակով:
Հստակ կանխատեսում` կապված թվերի հետ, Բրեժիեն չի հրապարակել:
Վերջին տարիներին Airbus-ը կայուն կերպով առաջ է անցնում Boeing-ից ինչպես ինքնաթիռների պատվերների քանակով, այնպես էլ շուկա մատակարարված ինքնաթիռների թվաքանակով: Օրինակ` 2011թ . Airbus-ը վաճառել է ռեկորդային` 1419 ինքնաթիռ, Boeing-ը` միայն 805: Մեկ տարի առաջ համամասնությունը կազմում էր 574-ն ընդդեմ 530-ի:
Ընթացիկ տարում, սակայն, Boeing-ը կարողացել է մեծ արդյունք գրանցել: Օրինակ` ամերիկյան United Airlines ավիաընկերությունը պատվիրել էր վերջինիս մոտ 150 ինքնաթիռ, ներառյալ` 100 վերոնշյալ B-737 Max-երի:
Ընդհանուր առմամբ` Boeing-ը զգալի առաջ է անցել մրցակցից Ֆարնբորոյի ավիասրահում` վաճառելով 396 ինքնաթիռ` ըննդեմ 115-ի:
