Տաջիկստանի իրավապահ մարմինները սպանության կասկածանքով ձերբակալել են Խոլմումին Սաֆարովին՝ հանրապետության նախագահ Էմոմալի Ռահմոնի ազգականին սպանողին: Այս մասին հաղորդում է RIA Novosti-ն՝ վկայակոչելով Տաջիկստանի ԱԳՆ մամուլի ծառայության ներկայացուցիչներին:
Կասկածյալի անունը և հանցագործության դրդապատճառները Տաջիկստանի ԱԳՆ-ն չի հայտնել: Նրանք սահմանափակվել են՝ հայտարարելով, որ կասկածյալին հաջողվել է ձերբակալել օպերատիվ-հետախուզական գործողությունների արդյունքում:
57-ամյա Խոլումին Սաֆարովը եղել է Տաջիկստանի նախագահի ավագ դստեր ամուսինը: Նա ղեկավարել է «Անտառաին տնտեսություն և որսորդություն» պետական ձեռնարկությունը: Սաֆարովը սպանվել է հունիսի 14-ի գիշերը Դուշանբեում՝ քաղաքային ավտոկայանից ոչ հեռու: Նախագահի ազգականի վրա մի քանի անգամ կրակել էին ատրճանակից, որից հետո հանցագործը (կամ հացագործները) թաքնվել էր: Սաֆարովը ստացած վերքերից մահացել էր դեպքի վայրում:
Տեղի ԶԼՄ-ները, հայտնելով Սաֆարովի սպանության մասին, կասկած էին հայտնում, որ հանցագործությունը, ամենայն հավանականությամբ, կապած է եղել ձեռնարկության ղեկավարի պաշտոնում նրա աշխատանքի հետ:
Տաջիկական ԶԼՄ-ների հաղորդմամբ՝ սպանության բացահայտմանն օգնող ցանկացած տեղեկատվության համար խոստացվել էր խոշոր դրամական պարգև:
