Microsoft-ը ստեղծում է նորությունների սեփական ծառայություն՝ NBC Universal-ի հետ լուծարելով MSNBC.com համատեղ կայքը, որն ԱՄՆ-ում ժողովրդականություն վայելող լրատվական կայքերի շարքում 4-րդն է: Հունիսին այն 50 միլիոն այցելու է ունեցել:
Microsoft-ի և NBC Universal-ի համատեղ ձեռնարկությունը գործել է 16 տարի, սակայն ներկայումս ըներությունների ծրագրերը փոխվել են:
Ձեռնարկության համատեղ զարգացումից Microsoft-ը սկսեց հետ քաշվել 2005-ին, երբ NBC-ին վաճառեց MSNBC-ի կաբելային հեռուստաալիքի իր բաժնեմասը: Այս մասին հաղորդում է ABC News-ը:
NBC-ն նախօրեին գնել է MSNBC վեբկայքի Microsoft-ի 50 տոկոս բաժնեմասը և MSNBC.com-ը դարձրել NBCNews.com: Գործարքի արժեքի մասին տեղեկություններ չկան: Կայքի գրասենյակները Վաշինգտոնից կտեղափոխվեն NBC News-ի հայրենի Նյու Յորք:
Microsoft-ի կողմից լրատվական ծառայություն ստեղծելու մանրամասները չեն հաղորդվում, միայն հայտնի է, որ այնտեղ 100 մարդ է աշխատելու:
