Հուլիսի 15-ին Երուսաղեմից արևմուտք գտնվող Մավասերեթ Ցիոն քաղաքի մոտ ուժեղ հրդեհ է բռնկվել, գրում է mignews.com-ը:
Հրշեջ ծառայության մամլո ծառայությունից տեղեկացրել են, որ կրակի դեմ պայքարելու գործընթացին մասնակցում է 21 մարտական հաշվարկ, ինչպես նաև 6 հատուկ հրդեհային ինքնաթիռ: Քաղաքի հարյուրավոր բնակիչներ տարհանվել են:
Հրշեջների խոսքերով՝ հայտնաբերվել է բռնկման միանգամից երեք օջախ: Դեռ հայտնի չէ՝ արդյոք մտածված հրկիզում է եղել թե հրդեհի պատճառը անոմալ շոգն է եղել:
Տվյալ պահին հայտնի է, որ երեք մարդ տուժել է: Նրանց տրվել է ածխաթթվային գազից թունավորման ախտորոշում: Տուժածները տեղափոխվել են Երուսաղեմի Շեարեյ Ցեդեկ հիվանդանոց, բժիշկների խոսքերով՝ նրանց կյանքին վտանգ չի սպառնում:
