Բրազիլական Սան Պաուլու քաղաքում «Հանուն Հիսուսի երթին» մասնակցել է ամենաքիչը մեկ միլիոն մարդ: Այս մասին հաղորդում է Associated Press-ը:
Երթին, որը կազմակերպել էր «Վերածնունդ Քրիստոսի մեջ» եկեղեցին, մասնակցել են երկրի տարբեր եկեղեցիներ: Ինչպես հաղորդում է BBC News-ը` Բրազիլիայում է աշխարհում ամենամեծ կաթոլիկ համայնքը, սակայն քրիստոնեության մյուս ճյուղերը վերջին տարիների ընթացքում նույնպես սկսել են տարածում գտնել:
Երթը սկսվել է հուլիսի 14-ին գրեթե 10:30-ի սահմաններում: Կեսգիշերին այն ավարտվել է Հերոսների հրապարակում բեմադրված ներկայացմամբ: Երթն ընթացել է առանց պատահարների:
Կազմակերպիչների կարծիքով՝ այս երթը ամենախոշոր քրիստոնեական միջոցառումն էր աշխարհում: Նրանց հաշվարկներով մասնակիցների թիվը հասել է 5-6 մլն մարդու:
