Լավատեղյակ աղբյուրների վկայությամբ, նախորդ շաբաթը ՕԵԿ-ում բավական աշխույժ է անցել: ՕԵԿ-ը` Արթուր Բաղդասարյանի ղեկավարությամբ, հույս ունենալով, որ ԲՀԿ-ն հրաժարվելու է ստորագրել կոալիցիոն նոր համաձայնագրի նախագիծը եւ դուրս է գալու կոալիցիայից, սկսել է ԲՀԿ-ից հետո թափուր մնացող պաշտոնները «բաժանել»: Այսինքն` սկսել է իր կուսակիցներին արդեն պաշտոններ խոստանալ ու անհամբեր սպասել կոալիցիոն գործնկերոջ քայլերին:
Մեր աղբյուրները պատահական չեն համարում, որ ԱԺ ՕԵԿ խմբակցության ղեկավար Հեղինե Բիշարյանն էլ ուրբաթ օրը ԱԺ բրիֆինգներին ակնարկում էր ՕԵԿ մտնել ցանկացող հզոր դեմքերի մասին ու խոստանում դրանց ցույց տալ առաջիկայում: Իսկ վերջին շրջանում, ինչպես ցույց է տվել փորձը, ՕԵԿ մտնում են միայն պաշտոն ստանալու համար:
Ասել է թե, Բիշարյանի ակնարկած մարդիկ պետք է մտնեին ՕԵԿ` ԲՀԿ-ի թողած պաշտոնների համար:
