«Կոալիցիայի պահպանումն ավելի շուտ կապված է Ազգային ժողովի ընտրությունների հետ, քանի որ կոալիցիայից դուրս գալը կզրկի ԲՀԿ-ին ընտրությունների ժամանակ ադմինիստրատիվ ռեսուրսների օգտագործումից: Իսկ Աժ ընտրությունների արդյուքները հետագայում ցույց կտան, թե ԲՀԿ-ն կսատարի՞ Սերժ Սարգսյանի թեկնածությունը, թե՞ հանդես կգա սեփական թեկնածուով»,- ՀՀԿ-ԲՀԿ վերջին ներկոալիցիոն խնդիրներին անդրադառնալով` «Առաջին լրատվականի» հետ զրույցում կարծիք հայտնեց սոցիոլոգ Ահարոն Ադիբեկյանը:
Ադիբեկյանի գնահատմամբ, եթե ԱԺ ընտրություններում ԲՀԿ-ն հավաքի 50+1 տոկոս ձայն, ապա այդ ժամանակ «խաղը կգնա այլ կանոններով եւ այլ դեմքերով», իսկ եթե ստանան այնքան ձայն, ինչքան ստացել են սովորաբար, ապա պարզ է, նախագահական ընտրություններում սեփական թեկնածուով հանդես գալը իմաստ եւ հիմքեր չի ունենա: