Չինական ռազմական հետախուզանավը պարեկային ծառայություն իրականացնելու ժամանակ մխրճվել է Հարավչինական ծովում մինչ օրս վեճի առարկա հանդիսացող Սպարտլի կղզեխմբի ծանծաղուտների մեջ`բախվելով կղզեխմբի հարավ-արևելյան մասում գտնվող ստորջրյա ժայռերին: Այդ մասին հայտնում է The Sydney Morning Herald լրատվական ծառայությունը:
Չինաստանի Ազգային ազատագրական բանակի ռազմական նավը հայտնաբերվել է Ֆիլիպիններից 200 կմ հեռավորության վրա, այն տարածքում, որը Մանիլան համարում է իր տնտեսական բացառիկ գոտին: Տեղեկացնենք, որ նավը նախկինում մասնակցել է ֆիլիպինյան ձկնորսական նավերին վիճարկելի ջրերից դուրս բերելու գործողություններին:
Նավթի և գազի պաշարներով հարուստ Սպարտլի կզղեխմբի նկատմամբ հավակնություններ ունեն Ֆիլիպինները, Չինաստանը, Թայվանը, Բրունեյը, Մալազիան և Վիետնամը:
Սույն տարվա հուլիսին Չինաստանի Ազգային ազատագրական բանակի գեներալ և ներքին քաղաքական հարցերով խորհրդականը չինական կառավարությանը խորհուրդ էր տվել առավել ակնհայտորեն բարձրաձայնել վիճարկելի ջրերի նկատմամբ սեփական հավակնությունների մասին:
