Քիչ առաջ ավարտվեց Ամերիկյան ձայնագրման ակադեմիայի ամենամյա «Գրեմմի» մրցանակաբաշխությունը, որը տրվում է երաժշտության ոլորտում անցած տարի աչքի ընկած երաժիշտներին:
Այս տարի 5 «Գրեմմի» է ստացել Lady Antebellum քանթրի-եռյակը, այդ թվում՝ 4 գլխավոր մրցանակներից երկուսը` «տարվա երգ» և «տարվա ձայնագրություն» անվանակարգերում:
«Տարվա ալբոմ» է ճանաչվել Arcade Fire խմբի «The Suburbs» ալբոմը: «Տարվա հայտնություն» անվանակարգում հաղթել է Էսպերանսա Սփալդինգը, սակայն շատերը կարծում էին, որ այդ անվանակարգում ակնհայտ ֆավորիտը Ջասթին Բիբերն է:
Լեդի Գագան, որը ներկայացված էր 6 անվանակարգերում, ստացավ երեք մրցանակ «Լավագույն կանացի վոկալ», «Լավագույն կարճ երաժշտական տեսանյութ»` Bad Romance երգի համար:
«Փոփ երաժշտության լավագույն վոկալ» անվանակարգում հաղթեց Բրունո Մարսը: Ընդհանուր առմամբ, այս մրցանակաբաշխությանը ներկայացված էր 100 անվանակարգ, որոնց հաղթողները հրապարակված են «Գրեմմիի» պաշտոնական կայքում:
