Իրանական ISNA լրատվական գործակալության փոխանցմամբ՝ Իրանի խորհրդարանի նախագահ Ալի Լարիջանին հայտարարել է, որ ոչինչ չի կարող խաթարել Իրանի և Սաուդյան Արաբիայի միջև լավ հարաբերությունները.
«Թեհրանի և Էր-Ռիյադի լավ հարաբերությունները վատթարացում չեն ապրի: Եվ եթե կան որոշակի տարաձայնություններ, կողմերը քննարկեն ու կլուծեն դրանք: Իրանի և Սաուդյան Արաբիայի միջև հարաբերություններն ավելին են, քան պարզապես դիվանագիտական հարաբերությունները: Երկու երկրները պետք է միավորեն իրենց ջանքերը իսլամական աշխարհին ծառայելու համար»:
Իրանի և Սաուդյան Արաբիայի փոխհարաբերություններում լարվածությունը մեծացավ 2011 թվականի գարնանը՝ Բահրեյնում տեղի ունեցած ցույցերից հետո, երբ Սաուդյան Արաբիան և ԱՄԷ-ն իրենց զորքերը մտցրին Բահրեյն: Իսկ վերջերս էլ Սաուդյան Արաբիան մահապատժի էր ենթարկել Իրանի մի շարք քաղաքացիների:
