Վաշինգտոնում հաջորդ շաբաթ ռազմավարական և միջազգային հետազոտությունների կենտրոնը անցկացնելու է կոնֆերանս` «ԱՄՆ-ի հարակովկասյան և կասպիական ռազմավարության հեռանկարները» թեմայով:
APA-ն տեղեկացնում է, որ գիտաժողովին մասնակցելու են դիվանագետներ և վերլուծաբաններ, որոնք զբաղվում են տարածաշրջանային խնդիրներով:
Կոնֆերանսի ընթացքում քննարկվելու են տարածաշրջանի երկրների արտաքին քաղաքականությունը, դրանց դերը տարածաշրջանային նախագծերում, առկա հակամարտությունները, ինչպես նաև առանձին երկրների միջև հարաբերությունները, այդ թվում Հայաստանի և Ադրբեջանի միջև:
Ելույթներով հանդես կգան Միչիգանի համալսարանից Ժիրայր Լիպարիտյանը, ռազմավարական և միջազգային հետազոտությունների կենտրոնի փորձագետներ Յանուշ Բուգայսկին, Սերգեյ Մարկեդոնովը և այլք:
