Մադրիդի կենտրոնական փողոցներում կրկին բախումներ են տեղի ունեցել ոստիկանության և ցուցարարների միջև: Սոցիալական շարժումների կոչով փողոցներ դուրս եկած մարդիկ իրենց աջակցությունն էին հայտնում հանքահորների պայքարին, որն ուղղված է ածխարդյունաբերության ոլորտի սուբսիդիաների նվազեցմանը: Նրանց բողոքն ոււղղված է նաև իսպանական կառավարության կողմից հայտարարված պետական ծախսերի կրճատման և հարկերի բարձրացման նոր միջոցառումների դեմ: Այս մասին տեղեկացնում է Itar-Tass-ը:
Իսպանիայի ոստիկանության տվյալներով` շուրջ 5000 ցուցարարներ անցել են քաղաքի փողոցներով և հանրահավաք անցկացրել Պուերտա-դել-Սոլ հրապարակում:
Քանի որ ցույցն իշխանությունների կողմից արտոնված չի եղել, անվտանգության մարմինները միջոցառումներ են կազմակերպել` հավաքվածներին ցրելու համար:
Ականատեսների վկայությամբ` ոստիկանությունը նրանց դեմ կիրառել է մահակներ և ռետինե փամփուշտներ:Ի պատասխան` ցուցարարները բարիկադներ են կառուցել և այրել աղբով լցված բեռնարկղերը: Ոստիկանությունը ձերբակալել է 9 մարդու և նրանց դեմ առաջադրել հասարակական կարգը խախտելու մեղադրանք:
