Սիրիայում իրավիճակը վկայում է այն մասին, որ այդ երկրում կարգավորումը հնարավոր է միայն հեղափոխության օգնությամբ, այլ ոչ թե բանակցությունների և դիվանագիտության ճանապարհով: Նման հայտարարությամբ հանդես է եկել Սիրիական ազգային խորհրդի կատարողական կոմիտեի անդամ Բուրհան Գալյուն:
«Հեղափոխությունը կլուծի խնդիրը, այլ ոչ թե բանակցությունները և դիվանագիտական պայմանները: Ուժերի դասավորությունն ավելի ու ավելի շատ փոխվում է ի օգուտ հեղափոխության»,- նշել է Գալյունը:
Նրա խոսքերով` սիրիական ժողովուրդը ներկա դրությամբ մեծ հույսեր է կապում միջազգային դիվանագիտության հետ:
Գալյունի կարծիքով` միջազգային հանրության խաղաղ կարգավորման պլանի տապալումը կհանգեցնի աղետի, ինչպես նաև կխախտի ՌԴ դիրքերը տարածաշրջանում:
«Մենք հիմա փորձում ենք միջազգային հանրությանը և Ռուսաստանին կանգնեցնել այն պատասխանատվության դեմ հանդիման, որը նրանք կրում են»,- ասել է նա:
