Սիրիայի ընդդիմությունը պատրաստ չէ եխկխոսություն վարել, միչև որ բաշար Ալ-Ասադը չհեռանա: Այս մասին այսօր հայտարարել Սիրիայի ազգային խորհրդի ղեկավար Աբդել Բասեթ Սեյդան Ռուսաստանի արտգործնախարար Սերգեյ Լավրովի հետ հանդիպումից հետո:
«Ցանկանում եմ Սիրիայի ընդդիմության անունից հաստատել, որ երկխոսության մասին խոսք անգամ չի կարող լինել, մինչև որ Ասադը չհեռանա,- ասել է նա:- Ռուսաստանն այլ կարծիք ունի, բայց մեր դիրքորոշումն այսօր լսեցին»:
Ինչպես հաղորդում է ITAR-TASS-ը, Աբդել Բասեթ Սեյդան նշել է, որ ՄԱԿ-ի ԱԽ միջամտությունը հակամարտությանը «կօգներ լուծել այն, լավ հնարավորություն կլիներ», սակայն նա չի հստակեցել՝ կոնկրետ ինչ նկատի ունի:
Ավելի վաղ ՄԱԿ-ում Ռուսաստանի մշտական ներկայացուցիչ Ալեքսանդր Պանկինը հայտարարել էր, որ Ռուսաստանը ՄԱԿ-ի ԱԽ-ին առաջարկել է Սիրիայի հարցով բանաձևի նախագիծ. դա նախատեսում է 3 ամսով երկարացնել երկրում ՄԱԿ-ի դիտորդների առաքելությունը, որի մանդատը լրանում է հուլիսի 20-ին:
Ընդհանուր առմամբ Աբդել Բասեթ Սայդան Ռուսաստանի մայրաքաղաքում բանակցությունները բավական կառուցաողական է համարել: «Մոսկվան առաջարկել է մեզ մի նախագիծ, որը դեռ կքննարկենք,- նկատել է ընդդիմադիրը:- Մենք պայմանավորվել ենք շարունակել կապերը»: Մյուս կողմից, նրա խոսքերով, իրենց միջև տարաձայնություններ կան: «Հենց դրա համար մենք այսօր Սերգեյ Լավրովի հետ այդքան երկար խոսեցինք,- ասել է նա,- Բանակցությունները ՌԴ ԱԳՆ-ում շարունակվել են ավելի քան 2 ժամ»:
