Սաուդյան Արաբիայում տասնյակ հազար բնակիչեր (հիմնականում շիաներ) դուրս են եկել խաղաղ ցույցի՝ իշխանությունների կողմից ակտիվիստերից մեկի՝ Մուհամմադ Ալ-Ֆալֆիլի սպանությունից հետո: Ինչպես հաղորդում է The New York Times-ը, նրան սպանել են նախորդ ցույցի ժամանակ, որը տեղի էր ունեցել ի պաշտպանություն շիա իմամ շեյխ Նիմր Ալ-Նիմրի, որին ոստիկաններն ավելի վաղ ոտքից վիրավորել էին և ձերբակալել:
Հախուռն ակցիան սկսվել է Կատիֆ մարզում՝ եկրի արևելքում՝ Ֆիլֆիլի հուղարկավորության ժամանակ:
Ավելի ուշ ցուցարարների մի մասն առանձնացել է ընդհանուր զանգվածից. Երիտասարդությունը սկսել է քարեր նետել պետական հաստատությունների և ոստիկանների վրա:
Նիմր Ալ-Նիմրը համարվում է Սաուդյան իշխող ընտանիքի ամենահետևողական քննադատներից մեկը: 2009թ. նա պահանջում էր Սաուդյան Արաբիայից առանձնացնել երկրի շիաբնակ արևելյան հատվածը:
Սաուդյան Արաբիան, որտեղ պաշտոնական կրոնը սուննի իսլամն է, շիաների նկատմամաբ խտրականությունը միանգամայն պաշտոնական է: Մասնավորապես, նրանց պատասխանատու պաշտոնների չեն վերցնում պետական վարչությունում և ուժային կառույցներում: Ընդ որում՝ սաուդյան նավթի մեծ մասը արդյունահանվում է ավանդաբար շիաներով բնակեցված մարզերում:
Շիաների շրջանում հուզումները սկսվել են դեռ 2011թ. փետրվարին, երբ երկրի մի շարք շրջաներում «արաբական գարնան» հետքեր էին նկատվում: Սակայն իշխանությունները դաժանորեն ճնշեցին այդ ելույթները, ինչպես նաև երկրի արևելքին խոստացան զգալի ֆինասնական աջակցություն: Այնուամենայնիվ, շիաների շրջանում բողոքական տրամադրությունները հնարավոր չեղավ արմատախիլ անել:
