Ճապոնական Mitsubishi Motors մեքենաշինական ընկերությունը, որը որոշել էր արտադրություն ծավալել ԵՄ-ի տարածքում և նոր շուկաներ գրավել, 1 եվրոյով վաճառում է Նիդերլանդների իր գործարանը: Այս մասին հայտնել են ընկերության կենտրոնական գրասենյակից:
Ձեռնարկությունը խորհրդանշական գնով գնում է տեղի VDL ընկերությունը, որը պատրաստվում է դրանում արտադրել BMW ավտոմեքենաներ:
1 եվրոյով ձեռնարկությունը վաճառելու նպատակն է պահպանել բոլոր 1500 աշխատակիցների աշխատատեղերը: Mitsubishi Motors-ն այդ գործարանում հավաքում էր ամենագնացներ, որոնք, սակայն, ճգնաժամի ֆոնին դժվար էին վաճառվում Արևմտյան Եվրոպայում:
Ինչպես հաղորդում է RIA Novosti-ն, VDL Groep-ը կստանա գործարանի 468.308 հազար բաժնետոմս կամ Mitsubishi Motors Corporation-ի 85%-ը, և ևս 82.642 հազար բաժնետոմս կամ Mitsubishi Motors Europe B.V-ի 15%-ը: Վերջնական պայմանագիրը կստորագրվի օգոստոսի վերջին, իսկ բաժնետոմսերի փոխանցումը տեղի կունենա 2012 թ. դեկտեմբերի վերջին:
