Ռուսական ВЗГЛЯД թերթի փոխանցմամբ՝ ընդդիմադիր վրացի միլիարդատեր, «Վրացական երազանք» քաղաքական կոալիցիայի առաջնորդ Բիձինա Իվանիշվիլին հայտարարել է, որ իրենք աշխատում են, որ Եվրոպայի ժողովրդական կուսակցության նախագահ Վիլֆրեդ Մարտենսը իրական տեղեկատվություն ստանա Վրաստանում տիրող իրավիճակի շուրջ.
«Սաակաշվիլին արհեստավարժ սուտասան է: Մարտենսը գտնվում է Սաակաշվիլիի կեղծիքի գերության մեջ: Մենք աշխատում ենք նրան իրականության հետ ծանոթացնելու ուղղությամբ: Դա իմ մեծ ցանկությունն է: Մարտենսը գրեթե կրկնում է կոմունիստական անցյալին վերադարձ կատարելու մասին Սաակաշվիլիի խոսքերը: Մենք կարող ենք Մարտենսին ցույց տալ իրականությունը»:
Հիշեցնենք, որ Մարտենսը երեկ մասնակցել է Բաթումում տեղի ունեցած «Վրաստանի եվրոպական ուղին. ԵՄ-ը և նրա եվրոպական հարևանները» խորագրով միջազգային կոնֆերանսին և հայտարարել, որ իրենք միմյանց չեն խառնի փողն ու քաղաքականությունը:
Մարտենսը հայտարարել է, որ Վրաստանի նախագահն ու նրա ընկերները նոր ժողովրդավարություն են ստեղծել Վրաստանում և Բիձինա Իվանիշվիլիին մեղադրել էր հոկտեմբերին կայանալիք խորհրդարանական ընտրություններում հաղթանակ տանելու գործում իր կապիտալը ներգրավելու փորձերի մեջ:
Սաակաշվիիլին իր հերթին հայտարարել էր, որ ոչ ոքի չի հաջողվի Վրաստանը վերադարձնել անցյալին՝ ընդգծելով, որ վրաց ժողովրդի համար եվրոպական արժեքները շատ ավելի կարևոր են, քան՝ փողը:
