Մեծ Բրիտանիայի Չեմսֆորդ քաղաքից ոչ հեռու` եկեղեցական գերեզմանատանը գտնվել է տղամարդու մարմին, ով հետախուզության մեջ էր գտնվում ոստիկանի սպանության համար: Այս մասին գրել է The Times թերթը:
Էսսեկս կոմսության ոստիկանությունը հայտարարել էր, որ 64 ամյա Փիթեր Ռիվայի մարմինը հայտնաբերվել է Ռիթլ (Writtle) գյուցի եկեղեցու տարածքում, որը 65 կմ հեռավորության վրա է գտնվում այն վայրից, որտեղ հուլիսի 9-ին սպանվել էր ոստիկանության աշխատակից Իենա Դայբելան:
Ոստիկանությունը հայտարարել է, որ Ռիվայի մարմնի մոտ, ով մահացել է գլխի շրջանում վնասվածքից, հայտնաբերվել է ատրճանակ:
Ոստիկանության պնդմամբ` Ռիվան ատրճանակը կրելու լիցենզիա չի ունեցել:
Հուլիսի 9-ին 41-ամյա ոստիկան Իենա Դայբելան սպանվել էր Ռիվայի կողմից այն ժամանակ, երբ փորձել էր պաշտպանել վերջինիս հարևանին, ում հետապնդել Ռիվան:
Չնայած այն հանգամանքին, որ Ռիվան մահացած է հայտնաբերվել, կոմսության ոստիկանությունը մտադիր է լայնամասշտաբ հետաքննություն անցկացնել:
