Բեռլինում սկսվել է 61-րդ միջազգային կինոփառատոնը: Այսօր կցուցադրվեն առաջին մրցույթային ֆիլմերը: Բազում պաշտոնական և ոչ պաշտոնական դեմքեր, աշխարհի լավագույն կինոգործիչներ երեկ եկել էին մասնակցելու Բեռլինի կինոփառատոնի բացմանը: Փառատոնի հաջողության մեջ մեծ դեր ունի ոչ միայն այն, որ հավաքվել են ահռելի թվով ֆիլմեր ամբողջ աշխարհից, այլև այն, որ բացման ֆիլմ շատ ճիշտ էր ընտրված: Կոեն եղբայրների «Երկաթյա ճամպրուկ» ֆիլմը, որն արդեն Օսկարի համար 10 անվանակարգերում առաջադրվել է և մեծ շահույթ է բերել, առաջին անգամ էր ցուցադրվում Եվրոպայում:
Բեռլինում են նաև Կևին Սփեյսին և Ջերեմի Այրոսը: Էկրանի և բեմի վետերանները միցույթին ներկայացնելու են իրենց «Margin call» ֆիլմը: Ինչպես միշտ աստղերը սատարեցին դեբյուտանտ ռեժիսյոր Ջեյ Սի Չենդորային, ով ընտրել էր ակտուալ թեմա: Այս անգամ խոսքը միջազգային ֆինանսական ճգնաժամի մասին է, որի պատճառները բացահայտում է ֆիլմը:
Ցերեկը տեղի կունենա պարսիկ ռեժիսոր Ջաֆար Պանախի «Օffside» ֆիլմի` կոնկուրսից դուրս ցուցադրությունը: Այս ֆիլմի պրեմիերան տարիներ առաջ կայացել է հենց Բեռլինում: Այդ ժամանակ Պանախը ֆիլմի համար ստացել է «Արծաթե արջ» մրցանակ: Իրանում Պանախին 6 տարվա ազատազրկման են դատապարտել և 20 տարով արգելել մասնագիտական գործունեությամբ զբաղվել:
Բեռլինարիայի կազմկոմիտեն նրան հեռակա ընտրել է միջազգային ժյուրիի անդամ, սակայն իրանական իշխանությունները չեն թույլ տվել նրան երկրից դուրս գալ:
