Այսօր առավոտյան ժամը 9:30-ի սահմաններում սպանություն է տեղի ունեցել Երևանի Շահումյան փողոցում: «Առաջին լրատվական»-ին ոստիկանության լրատվական ծառայությունից հայտնեցին, որ հրազենային վնասվածքներ է ստացել Շահումյանի 4-րդ փողոցի 66 տան բնակչուհին, ով հիվանդանոց տեղափոխելու ճանապարհին մահացել է:
Պարզվել է, որ նույն օրը, ժամը 09.30-ին, նույն տան բնակիչ, 1938 թ. ծնված Ռոբերտ Թադևոսյանն իրեն պատկանող «ՄՌ-18-Մ-Մ» տեսակի, 12 տրամաչափի մեկփողանի հարթափող հրացանից կրակել է կնոջ`70-ամայ Սիրանուշ Հաջաթյանի գոտկատեղին, ինչի հետևանքով նա մահացել է:
Հուլիսի 9-ին, ժամը 10.40-ին, Ռոբերտ Թադևոսյանը ինքնակամ ներկայացել է ոստիկանության Մալաթիայի բաժին և խոստովանել կատարած հանցագործությունը:
Ըստ լուրերի՝ ամուսինը հաճախ են վիճել, իսկ մի քանի տարի առաջ ամուսինը կնոջը դանակահարել էր խանդի հողի վրա:
