Երեկ` հուլիսի 8-ին, ոստիկանության Լոռու մարզային վարչության և ոստիկանության Վանաձորի բաժնի, ինչպես նաև Ճանապարհային ոստիկանության 2-րդ սպայական գումարտակի 5-րդ վաշտի 1-ին դասակի աշխատակիցները հայտնաբերել են Վանաձոր քաղաքում երկու անձի` մահվան ելքով վրաերթ կատարած և փախուստի դիմած վարորդին:
Ֆոտոլրագրող Գագիկ Շամշյանը News.armeniatv.com-ին հայտնել է, որ վրաերթ կատարողը Վանաձոր քաղաքի Ներսիսյան թաղամասի 3/5 տան բնակիչ, 44-ամյա Հովհաննես Գինոսյանն է, ով, ըստ ֆոտոլրագրողի տեղեկությունների, աշխատում է «Հայաստանի էլեկտրական ցանցեր» ընկերության «Դեբեդ» մասնաճյուղում` որպես տեղամասի պետ:
Ոստիկանությունը պարզել է նաև մահացածների ինքնությունը. նրանք են` Վանաձոր քաղաքի Բաղրամյան 2-րդ փողոցի 37 տան բնակիչ Միտիչյան Անահիտը և Սպիտակ քաղաքի Թումանյան 88 տան բնակիչ, 23-ամյա Աննա Բոյաղջյանը:
Լուսանկարները` Գագիկ Շամշյանի
