Կրասնոդարի երկրամասում ջրհեղեղի հետևանքով տուժել է առնվազն 12 հազար մարդ: Այս մասին հայտարարել է ՌԴ արտակարգ իրավիճակների նախարարությունը:
Նախարարության ներկայացուցչի խոսքով` Գելենջիկ, Կրիմսկ, Նովոռոսիյսկ քաղաքներում և մի շարք այլ բնակավայրերում ջրի տակ է մնացել մոտ 5 հազար բնակելի տուն:
Երկրամասի յոթ բնակավայրերի մոտ 30 հազար բնակիչ մնացել է առանց էլեկտրականության: Գազատար խողովակների վնասվելու պատճառով Կրիմսկում մասամբ խախտվել է նաև գազամատակարարումը:
Նախարարության Կրասնոդարի երկրամասի հարցերով կայքը հաղորդել է, որ Կրիմսկում ոստիկանությունը խափանել է դիակապտության յոթ դեպք: Ոստիկանության տեղեկատվության համաձայն` դիակապտությամբ զբաղվել են տեղի բնակիչները:
Ներկայումս ոստիկանները պարեկություն են կատարում փողոցներում, որպեսզի նման դեպքերը չկրկնվեն:
