Facebook սոցիալական ցանցը միացել է Asia Pacific Gateway նախագծին՝ ներդրում անելով Ասիայում ստորջրյա մալուխային համակարգի ստեղծանը, որը կունենա վայրկյանում մինչև 4 տերաբիտ թողունակություն: Այն մասին, թե որքան գումար է ներդրել սոցիալական ցանցը, չի հաղորդվում:
Հայտնի է միայն, որ ֆինանսավորման ընդհանուր գումարը, որը ստացվել է ընկերության կոնսորցիումից, կազմել է 450 մլն դոլար: Այս մասին հաղորդում է Vesti.ru-ն:
Համակարգի ստեղծման մասին հայտարարվել էր 2009-ի կեսերին, երբ կապի 8 ասիական օպերատորներ (NTT Com, China Telecom, China Unicom, Chunghwa Telecom, KT, PLDT, Telekom Malaysia ևVNPT) փոխըմբռնման հուշագիր ստորագրեցին: Ծրագրվում է, որ 10 հազար կիլոմետրանոց օպտիկամանրաթելային մալուխը կձգվի Մալազիայից Հարավային Կորեա:
Մալուխային համակարգը ոչ միայն ինտերնետին կմիացնի ասիական երկրները, մասնավորապես Չինաստանը, Վիետնամն ու Ինդոնեզիան, այլև թույլ կտա ավելի արագ տվալներ ստանալ և ուղարկել ԱՄՆ:
Համակարգի շինարարությունը կավարտվի 2014-ի երրորոդ եռամսյակում:
Facebook-ի ներկայացուցիչների խոսքով՝ նախագծում արված ներդրումները նպատակ ունեն սոցցանցի գործունությունը ընդլայնել այդ տարածաշրջանում: Այս մասին հաղորդում է BBC-ն: Ներկայում Facebook-ը ասիական երկրներում բուռն աճ է ապրում: Սոցցանցի ճապոնացի օգտատերերի թիվը վերջին տարում կրկնապատկվել է ՝ հասնելով 17,2 միլիոնի:
