Եգիպտոսի նորընտիր նախագահ Մուհամմադ Մուրսին, չնայած այդ պաշտոնին, շարունակում է մնալ այն մարդկանց ցուցակում, ում արգելված է դուրս գալ երկրից: Ինչպես հաղորդում է իսրայելական MIGnews գործակալությունը, այդ ցուցակը գործում է Եգիպտոսի բոլոր օդանավակայաններում:
Այդ միջոցառման պատճառն այն է, որ Մուրսին եղել է «Մուսուլման եղբայրներ» ֆունդամենտալիստական շարժման անդամ, որի դեմ Եգիպտոսի հատուկ ծառայությունները պայքարում էին ավելի քան կես դար:
Որպեսզի Մուրսիի անունը հանվի «սև ցուցակից», նա պետք է հայց ներկայացնի դատարան, ինչը և արվել է:
Ընդհանուր առմամբ, այդ ցուցակում հաշվվում է կուսակցության 21 հազար անուն: Երկրից դուրս գալու արգելքը ցմահ է:
Նշենք, որ նախագահական ընտրությունների արդյունքների հրապարակումից հետո Մուհամմադ Մուրսին լքել է «Մուսուլման եղբայրներ» շարժման և նրա քաղաքական թևի՝ Ազատության և արդարության կուսակցության շարքերը:
